Gvardiola: «Brayton»ga qarshi o'yin oldidan hayajonlanayotganim yo'q»

«Manchester Siti» bosh murabbiyi Xosep Gvardiola Angliya chempionatining so'nggi turidan o'rin olgan «Brayton»ga qarshi o'yin oldidan o'z fikrlarini bildirib o'tdi. Mazkur uchrashuvda chempionlik masalasi hal bo'ladi.

«Umuman asabiylashayotganim yo'q. Yanvar oyida bo'lib o'tgan «Liverpul»ga qarshi o'yinda xavotirga tushgandim. O'shanda biz 7 ochko ortda borayotgandik. Hozir esa peshqadammiz. Xuddi yosh boladek uxladim.

Muxlislarimiz sovrin qo'lga kiritishimizga umid qilib Braytonga shahriga tashrif buyurishgani — bu baxt. O'yindan oldin futbolchilarga aytar so'zim: «Qanday voqea sodir bo'lmasin, siz ajoyib yigitlarsiz», – dedi Gvardiola.

Angliya premer-ligasining 38-turi doirasida barcha o'yinlar bugun, 12 may kuni Toshkent vaqti bilan 19:00da start oladi.