O'FAda serbiyalik mutaxassis Voya Miloslavlevich bilan uchrashuv bo'lib o'tdi

Bugun 11 may kuni O'zbekiston futbol assotsiatsiyasi anjumanlar zalida serbiyalik mutaxassis, professor Voya Miloslavlevich bilan uchrashuv bo'lib o'tdi. Uchrashuvda O'FA Birinchi vitse-prezidenti Umid Ahmadjonov boshchiligidagi O'FA va PFL rahbarlari va xodimlari ishtirok etishdi.

Yig'ilish davomida serbiyalik mutaxassis futbolni rivojlantirishning asosiy tamoyillari va bu borada e'tibor qaratish lozim bo'lgan asosiy jihatlar mavzusida ma'ruza qildi. Shuningdek, Voya Miloslavlevich barcha yoshdagi terma jamoalar bilan ishlash, futbol strukturasidagi bir-biri bilan uzviy bog'liq jihatlarga ham batafsil to'xtalib o'tdi. 

Hafta davomida u hududiy bolalar-o'smirlar futbol akademiyalari bilan yaqindan tanishib, bolalar futbolini rivojlantirish bo'yicha ham o'z maslahatlarini berib o'tishi rejalashtirilgan.

Ma'lumot uchun, Boya Miloslavlevich 1960 yil  Serbiyada tavallud topgan. Faoliyatini futbol murabbiy sifatida boshlagan. Serbiya va Chernogoriya U-18 terma jamoalarida murabbiy sifatida ishlagan. Futbol mavzusida bir qator ilmiy ishlar muallifi. Voya Miloslavlevich futbol bo'yicha ko'plab qo'llanmalar chop etgan bo'lib, mazkur qo'llanmalar asosida turli futbol akademiyalarda mashg'ulotlar olib boriladi.