Farg'onada sambo bo'yicha mamlakat birinchiligi start oldi

Bugun Farg'onada sambo bo'yicha yana bir musobaqa boshlandi. Farg'ona shahridagi Olimpiya zahiralari maktab internati mezbonlik qilayotgan musobaqada o'smirlar va faxriylar o'zaro bahs olib borishmoqda.

Ayniqsa, o'smirlar o'rtasidagi bellashuvlar ko'pchilikning diqqat-markazida bo'lib turibdi. Undagi har bir vazn toifasida Respublikamizning barcha hududlaridan ishtirokchilar ro'yxatdan o'tgani bellashuvlarning qanchalik qizg'in kechishidan dalolat bermoqda.

Ta'kidlash joiz, mazkur musobaqani o'tkazishdan asosiy maqsad sambo sportini Respublika bo'ylab ommalashtirish va o'smirlar terma jamoasiga munosib nomzodlarni saralab olishdir. Musobaqa 12 mayga qadar davom etadi.