O'zbekiston U-16 terma jamoasi Chimkentda ikkita nazorat uchrashuvi o'tkazdi

Avval xabar qilinganidek, O'zbekiston U-16 terma jamoasi shu yilning 14-22 sentyabr kunlari Toshkentda bo'lib o'tadigan Osiyo chempionati saralashida ishtirok etadi.    Mana shu musobaqaga tayyorgarlik olib borish maqsadida Azamat Abduraimov boshchiligidagi O'zbekiston o'smirlar terma jamoasi yig'in o'tkazayotgani haqida xabar berib o'tgandik. Yig'in davomida terma jamoamiz  Chimkent shahrida Qozog'iston futbol akademiyasi jamoasiga qarshi ikkita nazorat uchrashuvi o'tkazishdi. 

Mazkur o'yinlarning birinchisida hisob ochilmagan bo'lsak, keyingi nazorat uchrashuvida Azamat Abduraimov shogirdlari 3:1 hisobida g'alaba qozonishdi.    Murabbiylar shtabi mazkur o'yinlar davomida terma jamoa asosini shakllantirib, futbolchilarning jismoniy va funktsional imkoniyatlarini yana bir bor sinovdan o'tkazib olishmoqda.