Muhriddin Tilovov yarim finalda

Ozarbayjon poytaxtida dzyudo bo'yicha “Katta dubulg'a” turkumiga kiruvchi yirik musobaqa start oldi.

Tokio Olimpiadasiga qimmatli reyting ochkolarini taqdim etuvchi mazkur musobaqada terma jamoamiz sharafini himoya qilayotgan vakilimiz Muhriddin Tilovov yarim finalga yo'llanma oldi.

-66 kg vazn toifasida kurashayotgan dzyudochimiz dastlab Qatar, keyin Belgiya va Isroil terma jamoasi vakillarini mag'lub etdi. Yarim finalga chiqish uchun esa mezbonlar a'zosi Ibrohim Alievdan ustun keldi. Vakilimizning bu bosqichdagi raqibi moldaviyalik Denis Vieru va ukrainalik Georgi Zantaniya o'rtasidagi bahsdan so'ng aniqlanadi.