Bekxem avtomobil boshqarish huquqidan mahrum etildi

Angliya terma jamoasi sobiq sardori Devid Bekxem avtomobilni boshqarish paytida qo'l telefoni orqali gaplashgani uchun haydovchilik huquqidan mahrum etildi.

Sud qaroriga ko'ra, sobiq futbolchi 6 oy davomida mashina boshqara olmaydi va 750 funt miqdorida jarima to'laydi.

2018 yilning 21 noyabr kuni politsiyaga kelib tushgan ma'lumotga ko'ra, Bekxem London shahrida o'zining Bentley rusumli avtomobilini boshqarish paytida telefon orqali gaplashgan. Futbolchining o'zi ham aybini tan oldi.