Firminoning 100 goli

 Roberto Firminoning "Liverpul" safidagi 100-goli deyarli bo'sh darvozaga urildi. Ammo u holat unitiladi va raqamlar doim yodimizda qoladi.

Albatta, u “Bornmut”ga qarshi o'yinda o'zining 99-golini, 20 oy ichida “Enfild”dagi birinchi Premer-liga golini urdi. O'sha bahsda u dubli evaziga yubley golini ham kiritishga erishdi.

Bu Firminoning imzosi edi.

"Liverpul"dagi faoliyatining ko'p qismida u to'purar emas, balki snaryad ta'minotchisi bo'lgan. O'yinni qurish uchun “Bobbi” asosan ortroqda o'ynar edi. Boshqalarga gol urish imkoniyatini berish esa u uchun asosiy ish bo'lgan.

APL tarixida bor-yo'g'i 19 nafar futbolchi bunga erishgan, hozir esa Firmino ular orasida.

Roberto bunday natija qayd etishiga 2015 yilda Xoffenxaymdan ko'chib o'tganidan beri unga 331 ta o'yin va 7 yil kerak bo'ldi.

Firminoda 70 ta golli uzatma bor. Lekin gap uning 100 goli haqida bormoqda. Keling, u qanday va qachon gol urganini, unga kim eng ko'p assistentlik qilganini ko'rib chiqamiz.

Birinchi gol...

Firmino o'zining va Kloppning 2015 yilning noyabrida "Manchester Siti"ga qarshi birinchi uchrashuvida birinchi golini ajoyib hodisa edi.

Birinchi bo'limda Firmino uchta golda ishtirok etdi, uning klubi 4:1 hisobida g'alaba qozondi. Bu Klopp qo'l ostidagi futbolga qarash va Firminoning qanchalik jamoaga kerakligini anglatgan o'yin edi.

Firmino golini nishonlash uchun futbolkasini echmoqchi bo'ldi, lekin o'zini to'xtatdi va "Buning uchun vaqt bo'ladi" degandek barmog'ini silkitdi. Va u haq edi.

Golni nishonlash...

U 2019-yil dekabrida bo'lib o'tgan klublar o'rtasidagi jahon chempionati finalida Braziliyaning “Flamengo” klubiga qarshi o'yinda, Qatarda yarim finalda Meksikaning “Monterrey” klubini mag'lub etganidan uch kun o'tib g'alaba golini kiritdi.

U finalda xet-trik qilishi kerak edi, ammo g'alaba goli bilan kifoyalandi. Bu hujumni yakunlashda uning sabr-toqati uning qanchalik sovuqqon bo'lishi mumkinligini ko'rsatdi. Keyin u golni futbolkani echib nishonladi.

Agar 2017-yilda “Stok Siti”ga qarshi safar o'yiniga nazar tashlaydigan bo'lsak, u buni avval ham qilganini ko'ramiz.

Firminoga kimlar golli uzatma bergan?

Uning "Bornmut" darvozasiga kiritgan ikkala goli ham golli uzatmasiz sodir bo'ldi.

23 futbolchi Firminoga 100 ta gol urish uchun 77 ta golli uzatmani amalga oshirgan.

Jeyms Milner 12 ta golli uzatma bilan ro'yxatni boshqarib turibdi. Klubga Firmino bilan bir transfer oynasida kelib qo'shilgan yarim himoyachi Roberto haqidagi "to'pni Bobbiga bering, u gol uradi" degan gapini ko'pchilik bilsa kerak. O'nta golga assistentlik qilgan Saloh, Endryu Robertsondan (9) deyarli o'zib ketdi.

Firmino qanaqa gollar urgan?

Braziliyalik futbolchining o'ng oyog'i bilan 57 ta, chap oyog'i bilan esa 21 ta gol bor. 22 bor “Bobbining boshi” golga mualliflik qilgan. Uning gollarining aksariyati (93) jarima maydonchasidan, ettitasi jarima maydoni tashqarisidan kiritgan.

Ushbu 100 ta goldan 98 tasini Firmino o'yinda kiritgan, faqat ikkitasi penaltidan, bir marta 2017 yilning avgustida "Uotford"ga, yana biri 2018 yilning dekabrida "Arsenal"ga qarshi o'yinda.

Aynan o'sha "Arsenal"ga qarshi o'yinda Firmino "Liverpul" safidagi ilk xet-trikini qayd etgan.

Firminodan qaysi jamoa eng ko'p gol o'tkazib yuborgan?

U himoyachilarni sarosimaga solib, qiyin vaziyatda qoldirishni yaxshi ko'radi va ko'pincha "Arsenal" qiyin ahvolga tushib qoladi. Firmino ularga 9 ta gol urgan.

U qaysi musobaqalarda gol urgan?

“Bobbi” Premer ligada 73 gol kiritgan va bu bilan klub tarixidagi 6-to'purar hisoblanadi.

U Chempionlar Ligasida 21 ta gol bilan “Liverpul”ning musobaqadagi eng ko'p gol urgan futbolchilaridan biri hisoblanadi: Saloh (34), Stiven Jerrard (30) va Manedan (24) ortda qolmoqda.

Odatda u qachon gol uradi?

Firmino o'yin oxirida gol urishni yaxshi ko'radi, ayniqsa 2020 yil yanvar oyida "Vulverxempton"ga qarshi o'yindagi kabi g'alaba goli.

Firmino o'yinlarning dastlabki 45 daqiqasida 39 ta gol urgan bo'lsa, ikkinchi bo'limda sermahsulroq bo'ldi va tanaffusdan keyin 61 ta gol kiritgan.

Jamoadoshlari uning umumiy o'yinida qanchalik muhim bo'lishi mumkinligini bilishadi.

"Biz uning qanday fazilatlarga ega ekanligini bilamiz va unga hech qachon shubha qilmaymiz", dedi Virjil van Deyk. Biz g'alaba qozona olmasak, uning jahli chiqadi, biz g'alaba qozonsak, u xursand bo'ladi. Shunday bo'lishi kerak. U eng yaxshi futbolchi bo'lishni xohlaydi, chunki u sifatli o'yinchi. Bugun (Bornmutga qarshi o'yinda) u yana nima uchun jahon darajasidagi futbolchi ekanligini ko'rsatdi."

Manba: www.sports.ru