"Liverpul" jamoani finalga olib chiqqan futbolchi bilan shartnomani uzaytiradi

"Liverpul" klubi hujumchi Divok Origining jamoada uzoq muddat qolishini istamoqda.

"The Independent" nashrining yozishicha, Yurgen Klopp Origi bilan shartnomani uzaytirishga qaror qilgan, u futbolchining mashg'ulotlardagi va o'yin vaqtidagi harakatlaridan mamnun.

Joriy mavsumda Origi 19 ta o'yinda 6 ta gol urgan va 1 ta golli uzatmani amalga oshirgan. Aynan Origining dubli "Liverpul"ning "Barselona"ni mag'lub etib, finalga chiqishiga katta hissa qo'shdi. Uning amaldagi shartnomasi 2020 yilda tugaydi.