«Paxtakor» – «Navbahor». Prevyu

Superliganing 8-tur markaziy bellashuvida jamoamiz "Navbahor"ni qabul qiladi.   Chempionatlar doirasida jamoalar barcha mavsumlarda ishtirok etib kelishadi va hozirga qadar 56 uchrashuvda maydonga tushishgan. O'zaro o'yinlar bo'yicha ustunlik yaqqol "Sherlar" tarafida. 35 bahsda zafar quchgan "Paxtakor" 8 bor raqib bilan durang o'ynagan va 13 marta imkoniyatni boy bergan. "Navbahor" darvozasiga 95 gol urilib, 42 to'p o'tkazib yuborilgan.   Toshkentdagi uchrashuvlarning 24tasida jamoamiz g'alaba qozonib, 3 durang va 1 mag'lubiyatni qayd etgan. “Paxtakor” o'z maydonida oxirgi 22 o'yinda 21 g'alaba va 1 durangga erishgan.   O'zaro o'yinlar tarixida qayd etilgan eng yirik natija - 7:0 hisobi jamoalarning Toshkentda 2009 yil o'tgan bellashuvida kuzatilgan. O'shanda "Paxtakor" namanganliklarni o'ta yirik hisobda dog'da qoldirgan.   Bu safar turnir jadvalida peshqadam va uchinchi o'rinda borayotgan jamoalar o'rtasidagi bahs yanada ko'proq qiziqishga sabab bo'lishini aytish mumkin.   "Paxtakor" va "Navbahor" o'rtasidagi uchrashuv 11 may, shanba kuni "Paxtakor" stadionida soat 19:45da start oladi.