Tennischilarimiz xalqaro turnirni g'alaba bilan boshladi

Qozog'istonning Chimkent shahrida tennis bo'yicha erkaklar o'rtasida o'tayotgan "Chellenjer" turnirida dastlabki davra bahslari o'tkazildi.   Unda hamyurtimiz Sanjar Fayziev hindistonlik Arjun Kadxeni 5:7, 7:5, 6:4 hisobida mag'lubiyatga uchratib, ikkinchi davra bahslariga yo'l oldi va rossiyalik Roman Safiullinga qarshi kortga chiqadigan bo'ldi.   Yakkalik bahslarining ilk bosqichida tennischilarimiz Humoyun Sultonov va Sergey Fomin muvaffaqiyatsizlikka uchradi.   Tennis bo'yicha Tojikistonning Dushanbe shahrida o'smirlar o'rtasida o'tayotgan xalqaro musobaqada Farida Marimova hamda Setora Normurodova dastlabki raqiblarini mag'lubiyatga uchratib, navbatdagi bosqichga yo'l oldi.   O'g'il bolalar o'rtasidagi bellashuvlarda hamyurt tennischilarimiz – Aziz Dadaboev, Berdiyor Mavlonov va Said Akbarov birinchi davradan muvaffaqiyatli o'tdi.   Eslatib o'tamiz, "J5" turkumidagi mazkur musobaqaning yakkalik bahslarida birinchi davra o'yinlari davom etmoqda.