Yosh qilichbozlar bellashdi

Poytaxtimizdagi “Qilichbozlik majmui”da 2003 va undan keyin tug'ilgan sportchilar o'rtasida 9 may - Xotira va qadrlash kuni munosabati bilan musobaqa o'tkazildi.   250 nafardan ziyod sportchi ishtirok etgan bellashuvda shamshir yo'nalishida qoraqalpog'istonlik sportchilar Gulbonu Esemuratova va Fozilbek Genjeboev shohsupaning eng yuqori pog'onasidan joy egalladi. Rapira yo'nalishida andijonlik qilichbozlar Marjona Usmonova va Muhammadyusuf Asranovga teng keladigani topilmadi. Shpaga yo'nalishida Sevara Rahimova (Toshkent) va Avezbek Naimov (Buxoro) tengdoshlaridan ustun kelib, oltin medalga sazovor bo'ldi.    G'olib va sovrindorlar diplom va esdalik sovg'alari bilan taqdirlandi.