«Paxtakor» ayollar jamoasi «Metallurg» maydonida durang o'ynadi

"Paxtakor" ayollar jamoasi 3-turda Bekobodda "Metallurg"ga qarshi uchrashuvda golsiz durangga imzo chekdi.

Asosan yosh futbolchi qizlardan iborat bo'lgan Rustam Aripov shogirdlari chempionatning etakchi jamoalaridan biriga qarshi bellashuvda o'zlarini yo'qotib qo'yishmadi va mezbonlarga jiddiy qarshilik tug'dirishdi. Har ikki jamoa yaratilgan bir qator imkoniyatlardan foydalana olmadi. Bahsda 0:0 hisobi qayd etildi. Hozircha "Paxtakor" ayollar Superligasida 3 o'yinda 2 ochko jamg'arishga erishdi.

"METALLURG" - "PAXTAKOR" - 0:0
"Paxtakor": Tulanova, Chunakova (Devyatova, 90+4), Abduraimova, Hikmatova (Hotamova, 69), Asqarova, Vohidova, Hamdamova (Nasibullaeva, 90+2), Holiqova, Abdusattorova (Tagirova, 46), Turg'unova, Baxtiyorova (Erkinova, 74).