Gallaxer uchun kurashda "Nyukasl" etakchi bo'lib turibdi

"Chelsi" yarim himoyachisi Konor Gallaxer London klubini tark etishi mumkin. Sky Sports xabariga ko'ra, futbolchi "Nyukasl"ning jiddiy qiziqishlari doirasida bo'lib turibdi.

22 yoshli angliyalik futbolchining "ko'klar" bilan shartnomasi 2025 yilgacha mo'ljallangan. Transfermarkt portali futbolchining narxini 25 million evroga baholamoqda.

Gallaxer o'tgan mavsumni “Kristal Pelas”da ijara asosida o'tkazdi. Premer-liganing 34 o'yinida u 8 ta gol urdi va 4 ta golli uzatmani amalga oshirdi.

Xavbek avvalroq “Charlton”, “Suonsi” va “Vest Bromvich” klublarida ijara asosida to'p tepgan.