Musobaqa xotira va qadrlash kuniga bag'ishlandi

9 may – Xotira va kadrlash kuniga bag'ishlab 3-4 may kunlari O'zbekiston Mudofaasiga ko'maklashuvchi “Vatanparvar” tashkilotining Namangan viloyati bo'limiga qarashli o'q otish tirida yoshlar o'rtasida pnevmatik miltiqdan o'q otish bo'yicha musobaqa o'tkazildi.   Unda jami 176 nafar sportchi g'oliblik uchun bahs olib bordi. Ishtirokchilarning 91 nafarini o'g'il bolalar, 85 nafarini esa qizlar tashkil qildi. Musobaqada 8 yosh va undan katta sportchilar ishtirok etdi.   Qizg'in va murosasiz kechgan bahslar yakuniga ko'ra 1-o'rinni viloyat texnik va amaliy turlari markazi jamoasi, 2-o'rinni esa Namangan shahar jamoasi hamda faxrli 3-o'rinni Chortoq tumani jamoasi qo'lga kiritdi.   Musobaqa g'oliblarini taqdirlash marosimida hamkor davlat va jamoat tashkilotlari vakillari ishtirok etdi. G'oliblarga “Vatanparvar” tashkilotining esdalik sovg'alari hamda faxriy yorliqlar topshirildi.