Bokschilarimiz «Sankt-Peterburg Gubernatori kubogi» turniriga yo'l olishdi

Boks bo'yicha O'zbekiston terma jamoasi vakillari Rossiyaning Sankt-Peterburg shahriga yo'l olishdi.   Vakillarimiz 6-12 may kunlari bo'lib o'tadigan an'anaviy “Sankt-Peterburg Gubernatori kubogi” musobaqasida ishtirok etishadi.   Turnirda 4 ta qit'aning 20 dan ziyod mamlakatidan keladigan nomdor bokschilar jam bo'lishadi. Ushbu musobaqada qatnashadigan vakillarimiz bugun erta tongda Sankt-Peterburg safariga yo'l olishdi.   Olimpiya qo'mitasi turnirda yurtimiz sharafini himoya qiluvchi bokschilarimiz nomini e'lon qildi:   -52 kg: Xudoynazar Fayzov;   -60 kg: Otabek Xolmatov;   -64 kg: Zoir Jumanazarov;   -69 kg: Iqboljon Xoldarov;   -75 kg: Fanat Kahramonov;   -81 kg: Kozimbek Mardonov;   -91 kg: Madiyar Saidraximov;   +91 kg: Obidjon Toxirov.   Murabbiylar: Rahmatjon Ro'zioxunov, Abduvohid Jalolov.