Tennischilarimiz xalqaro arenalarda

Joriy haftada o'zbek tennischilari Frantsiya, Tojikiston va Qozog'istonda o'tadigan xalqaro turnirlarda mamlakatimiz sharafini himoya qiladi.   Tojikistonning Dushanbe shahri mezbonlik qiladigan o'smirlar o'rtasidagi "J5" musobaqasida Aziz Dadaboev, Maksim Shin, Berdiyor Mavlonov, Samandar Abdumalikov, Abdusamad Usmonov, Said Akbarov, Isfandiyor Mahmudov va Lazizbek Qurbonov kortga chiqadi. Qizlar o'rtasida esa Sevil Yuldosheva, Setora Normurodova, Anjelina Folts, Mohinur Sharipova, Darya Kornilova va Farida Marimova kabi tennischilar o'z omadini sinab ko'radi.   Qozog'istonning Chimkent shahrida boshlangan "Chellenjer" turnirida esa Sanjar Fayziev, Humoyun Sultonov va Sergey Fomin kabi tennischilarimiz bosh sovrin uchun yakkalik va juftlik bahslarida kortga chiqadi. Unda Sergey misrlik Karim Muhammad Maamun bilan kuch sinashsa, Humoyun vengriyalik Zombor Pirosni sinovdan o'tkazadi. Sanjarning ilk uchrashuvi hindistonlik Arjun Kadega bilan bo'ladi.   Mamlakatimizning birinchi raqamli tennischisi Denis Istomin esa Frantsiyadagi "Chellenjer" turnirida o'z ishtirokini to'g'ridan-to'ri ikkinchi davradan boshlaydi.