Yana 10 nafar sportchi oliy o'quv yurtiga kirish uchun imtiyozli yo'llanmani qo'lga kiritdi

Poytaxtimizda akademik litsey, kollej va maktablarda tahsil oluvchi o'quvchilar o'rtasida bo'lib o'tgan engil atletika bo'yicha O'zbekiston chempionati yakunlandi.   Bellashuvlar doirasida sportchilarning ayrimlari sport ustasi normativini bajarishga ham muvaffaq bo'lishdi.   Ta'kidlash joiz, mazkur musobaqa g'oliblarga oliy o'quv yurtiga imtiyozli yo'llanma berishi bilan ahamiyatli edi.   Milliy olimpiya qo'mitasi taqdim etgan ro'yxatda oliy o'quv yurtiga kirish yo'llanmasini qo'lga kiritgan 10 nafar atletning nomini ko'rishingiz mumkin.   100 metr, to'siqlar osha: Xurshidabonu Xollieva (Surxondaryo) – 14.67   110 metr, to'siqlar osha: Rahmonjon Itolmasov (Qashqadaryo) – 14.81   400 metr, qizlar: Fotima Boboqulova (Navoiy) – 56.14   400 metr, yigitlar: Bobur Karimboev (Xorazm) – 49.35   100 metr, qizlar: Viktoriya Levina (Toshkent) – 12.66   100 metr, yigitlar: Shohrux O'tkirov (Samarqand) – 11.34   1500 metr, qizlar: Veronika Grishina (Surxondaryo) – 4:37.28   1500 metr, yigitlar: Viktor Tsurenko (Sirdaryo) – 4:07.88   10000 metr, qizlar: Azizaxon Mirzakbarova (Andijon) – 35:03.83   10000 metr, yigitlar: Oybek Mamatqulov (Andijon) – 32:35.82   Eslatib o'tamiz, avvalroq Jismoniy tarbiya va sport vazirligi matbuot xizmati ham oliy o'quv yurtiga imtiyozli ravishda qabul qilinuvchi 18 nafar sportchi nomini ma'lum qilgan edi.