Sirdaryoda «Hokim kubogi» uchun xotira turniri o'tkazildi

Sirdaryo viloyati Mirzaobod tumanida 9 may – Xotira va qadrlash kuniga bag'ishlab sportning milliy kurash turi bo'yicha “Hokim kubogi” Sirdaryo viloyati ochiq turniri bo'lib o'tdi.   Viloyat hokimining qarori bilan “May – sport oyligi” deb e'lon qilganligi munosabati bilan tashkil etilgan ochiq turnirda viloyatning barcha tuman va shaharlari hamda qo'shni Jizzax viloyatidan jami 100 nafardan ortiq sportchilar ishtirok etdi.    – Yurt tinchligi, xalq faravonligi yo'lida jonini fido qilgan inosonlarni xotirlash – millatimizning muqaddas an'analaridan biridir, – deydi Mirzaobod tumani jismoniy tarbiya va sport bo'limi boshlig'i Anvar Bo'ronov. – Turnirda yon qo'shnimiz jizzaxlik polvonlarning ishtiroki “Hokim kubogi” ochiq xotira turniri nufuzini va bellashuvlardagi keskinlik hamda morsasizlikni yanada oshirdi.    Kelgusidagi respublika va xalqaro bellashuvlar oldidan ushbu ochiq turnir har ikki viloyat polvonlari uchun juda muhim tayyorgarlik vazifasini o'taydi.    Musobaqa g'olib va sovrindorlari tashkilotchilarning kubok, diplom, medallari hamda qimmatbaho sovg'alari bilan taqdirlandi.