Lukaku: "Konte meni hech qachon taslim bo'lmaslikka o'rgatgan"

"Inter" hujumchisi Romelu Lukaku "neradzurrilar"ning sobiq bosh murabbiyi Antonio Kontening unga ta'siri haqida gapirdi.

Eslatib o'tamiz, italiyalik murabbiy bir yil avval "Juzeppe Meatsa"ni tark etgan va birozdan keyin "Tottenxem" klubini boshqarishni boshlagandi. Lukaku o'z navbatida "Chelsi"ga o'tdi, ammo 10 oydan so'ng "Inter"ga ijara asosida qaytdi.

"Kontedan minnatdorman, chunki u meni kuchli futbolchiga aylantirdi. U meni aqlan o'stirdi va hech qachon taslim bo'lmasdan bor kuchimni berishga o'rgatdi. Bu men bilan oxirigacha qoladi", - dedi futbolchi Calciomercato bilan suhbatda.

Lukaku o'tgan mavsumda "Chelsi" safida APLda atigi 8 ta gol urgan.