«Nyukasl»ga qarshi o'yinda Saloh boshidan jarohat oldi (foto)

Angliya chempionatining 37-turi doirasida «Liverpul» safarda «Nyukasl» klubi mehmoni bo'lib, g'alaba qozondi. Mersisaydliklar hujumchisi Muhammad Saloh ikkinchi bo'lim o'rtalarida raqib darvozaboni Martin Dubravka bilan to'qnashuv paytida jarohat oldi.

Natijada misrlik futbolchi o'yinni davom ettira olmadi va uni zambilda maydondan tashqariga olib chiqib ketishdi. Uning o'rniga Divok Origi maydonga tushirildi. Bu futbolchi g'alaba to'pini kiritishga muvaffaq bo'ldi.

Saloh bugun tibbiy ko'rikdan o'tadi. Shundan so'ng uning EChL doirasida "Barselona"ga qarshi kechadigan javob o'yinida maydonga tushish-tushmaslik masalasiga oydinlik kiritiladi.

O'yindan keyin "Liverpul" bosh murabbiyi Kloppning ta'kidlashicha, futbolchi o'yinning qolgan qismini kiyinish xonasidaub televizor orqali tomosha qilgan.