«Selta»ga qarshi o'yinda Valverde etakchilarga dam beradi (+ro'yxat)

Ispaniya chempionatining 36-turi doirasida «Barselona» klubi safarda «Selta» mehmoni bo'ladi. Kataloniyaliklar bosh murabbiyi Ernesto Valverde Evropa chempionlar ligasi doirasida "Liverpul"ga qarshi o'yin oldidan etakchi futbolchilarga dam berishga qaror qildi.

Jumladan, murabbiyning qaroriga ko'ra Mark-Andre ter Shtegen, Serxi Roberto, Jerar Pike, Jordi Alba, Lionel Messi va Luis Suaresga dam berilsa, Ivan Rakitich va Serxio Buskets diskvalifikatsiya tufayli o'yinni o'tkazib yuboradi.

«Barselona»ning «Selta»ga qarshi o'yin uchun qaydnomasi:

Darvozabonlar: Sillessen, Penya

Himoyachilar: Semedu, Todibo, Langle, Murilo, Yumtiti, Vermalen, Vag

Yarim himoyachilar: Koutino, Artur, Boateng, Alenya, Vidal, Puch, Kollado

Hujumchilar: Dembele, Malkom

«Selta» — «Barselona» o'yini bugun, 4 may kuni Vigo shahrida bo'lib o'tadi. Uchrashuv Toshkent vaqti bilan 23:45da boshlanadi.