Xavi: "Levandovskining biroz hayajonlanishi normal holat"

Robert Levandovski yaqinda "Bavariya"dan "Barselona"ga ko'chib o'tdi. O'shandan beri polshalik hujumchi "ko'k-anorranglilar" tarkibida uchta o'rtoqlik o'yini o'tkazdi, biroq bitta ham gol ura olmadi. Vaziyatni "ko'k-anorranglilar" bosh murabbiyi Xavi Ernandes izohladi.

"Levandovskining biroz hayajonlanishi normal holat. U yoqishni xohlaydi. Ammo bu boshqa futbolchilar bilan avval ham sodir bo'lgan. Levandovski baribir gol uradi", - dedi Xavi Marca bilan suhbatda.

"Barselona" 2022/2023 yilgi mavsumdagi ilk rasmiy o'yinini 13 avgust, shanba kuni o'tkazadi. La Liganing ilk turida Xavi shogirdlari “Rayo Valekano”ga qarshi bahs olib boradi.