Superliga. "Paxtakor" - "Dinamo": Prevyu

Superliga ikkinchi davrasini "Sherlar" Toshkentda "Dinamo"ga qarshi o'yin bilan boshlaydi.

Chempionatlar tarixida jamoalar 49 uchrashuvda to'qnash kelishgan. Unda "Paxtakor" 38 g'alaba, 5 durang va 6 mag'lubiyatni qayd etgan. Raqib darvozasiga 100 to'p kiritilib, 24 gol o'tkazib yuborilgan. Toshkentda o'tkazilgan 24 uchrashuvning 22tasida "Paxtakor" zafar quchgan. Ikki bor esa Samarqand jamoasi ustun kelgan. O'zaro o'yinlarda eng yirik g'alabamiz 6:0 natijasidan iborat bo'lgan.

Mazkur bellashuv jamoamizning yangi bosh murabbiyi Maksim Shatskix uchun rasmiy debyutga aylanadi.

"Paxtakor" va "Dinamo" jamoalari o'rtasidagi o'yin 1 avgust, dushanba kuni soat 20:00da "Paxtakor" stadionida boshlanadi.