Balotelli Messi va Ronalduni taqqoslaganiga izoh berdi

«Marsel» hujumchisi Mario Balotelli nima uchun Lionel Messini Krishtianu Ronaldudan ustun qo'yishiga izoh berib o'tdi.

«Statistika bo'yicha ular bir xil darajada. Ammo o'yin borasida Messidan hammadan zo'r. U g'aroyib futbolchi. Undan yaxshiroq o'ynash mumkin emas. Agar himoyachilardan so'rasangiz, qaysi futbolchiga qarshi o'ynashni istar edingiz: Messi yoki Ronaldu? Ishonchim okmil, ular bir lahza ham ikkilanmasdan javob berishadi. Messi va Ronaldu ajoyib futbolchilar. Ammo ularning saviyasi bir xil emas.

Agar Messi bo'lmaganida Ronaldu jahonning eng yaxshi futbolchisi bo'lardi. Uning o'z ustidan ishlashini juda hurmat qilaman. Uning o'yinini tomosha qilish, u o'z tanasi ustida qay tariqa ishlayotganini ko'rish kishiga zavq beradi. Ular jahonning eng yaxshi futbolchilari. Ronaldu «Atletiko»ga qarshi o'yinda to'pga 3 marta tegindi va 3ta gol urdi. Bu uning kuchli jihati. Kecha esa Messi «Liverpul»ga qarshi o'yin taqdirini hal qildi.

Men statistikani jurnalistlarga qoldiraman. Lekin Messi va Ronalduni taqqoslash — o'z vaqtida Maradona va Peleni taqqoslashga o'xshaydi. Pele Maradonadan ko'p gol urgan, ammo Diego to'p bilan harakatlana boshlaganida o'zgacha holat yuzaga kelardi», – dedi Balotelli.