No''mon Hasanov: «Ko'pdan beri shunday o'yin namoyish eta olmayotgandik»

Superliga 7-tur doirasidagi “Lokomotiv” – “Qo'qon-1912” uchrashuvidan keyingi matbuot anjumanining birinchi qismida jamoamiz ustozi No''mon Hasanov ishtirok etdi.

"Muxlislar tomonidan qaralganda o'yin tomoshabop bo'ldi. Har ikki jamoa g'alaba uchun harakat qilishdi. Bundan ham ko'p gollar ko'rishimiz ham mumkin edi. O'yinda qaysidir jamoa g'alaba qozonishi ham mumkin edi. Ammo uchrashuvda durang natija qayd etildi. Bahsda qayd etilgan natijadan qoniqdim. O'yindan keyin “Loko” futbolchilarini toliqishgani bilinib qoldi. Ular ikki frontda kurash olib borishayotgani yaqqol sezilmoqda. Bizning futbolchilar ham yaxshi o'yin ko'rsatishdi.
Birinchi bo'limda juda yaxshi o'ynadik. Tezkor gol o'tkazib yuborganimiz va Murod Xolmuhammedovning o'yindan oldin jarohat olgani shogirdlarimga ta'sir ko'rsatdi. Yaxshiyamki, tezda javob to'pini kiritdik. Ko'pdan beri shunday o'yin namoyish eta olmayotgandik.
Javohirdek o'yinchini topish oson kechmayapti. Futbolchilarimga qanday harakat qilish lozimligini aytyapman.
Hamma chiziqda muammolar bor. Darvozabonlarni almashtiryapmiz. O'rtada o'yinni o'z qo'liga oladigan futbolchi topolmayapman. Himoya markazidagi rotatsiya davom etayotgani ham shu bilan bog'liq.
Qo'qondan kelib bizni stadionda qo'llab turgan muxlislarimizga alohida minnatdorchilik bildiraman", - deydi Hasanov.