"Montsa" "Yuventus" yarim himoyachisini ijaraga olmoqchi

A Seriyaning yangi klubi "Montsa" top-klublardan o'yinchilarga qiziqishda davom etmoqda. Shunday qilib, italiyalik jurnalist Janluka di Martsio o'zining ijtimoiy tarmoqlarida jamoa "Yuventus" yarim himoyachisi Nikola Rovellani ijaraga olmoqchi ekanligini ma'lum qildi.

Manbaning qayd etishicha, Turin klubi futbolchini yuqori saviyada o'ynashi, ko'proq o'yin amaliyotiga ega bo'lishi uchun ijaraga berishga qarshi emas.

Rovella istiqbolli futbolchi sanaladi. U 2021 yilning yanvarida "Jenoa"dan “Yuventus”ga o'tdi, shundan so'ng "Griffinlar"ga ijara asosida qaytdi va u erda so'nggi 18 oyni o'tkazdi.

O'tgan mavsumda yarim himoyachi genuyaliklar safidagi 21-o'yinda qatnashib, to'rtta golli uzatmani amalga oshirdi.