"Chelsi" Verner borasida yakuniy qarorga keldi

Kicker nashri xabariga ko'ra, "Chelsi" hujumchisi Timo Verner keyingi mavsumda ham klubda qoladi.

Manbaga ko'ra, "Chelsi" bosh murabbiyi Tomas Tuxel 26 yoshli futbolchini o'z jamoasi etakchilaridan biri sifatida ko'rmoqda.

Oldinroq germaniyalik hujumchiga "Nyukasl", "Yuventus" va "Leyptsig" klublari qiziqish bildirayotgani haqida xabar berilgandi.

Verner 2020 yilning 1 iyulida “Leyptsig”dan “Chelsi”ga o'tgan edi. O'tgan mavsumda forvard “aristokratlar” safida 37 ta o'yinda 11 ta gol urdi va 6 ta golli uzatmani amalga oshirdi. Nemisning klub bilan shartnomasi 2025 yilning 30 iyuniga qadar amal qiladi.