Kessie: "Barselona" - dunyoning eng yaxshi klubi"

Frank Kessie "Barselona"dagi ilk kunlari haqida gapirib, nima uchun bu klubni tanlaganini tushuntirib berdi.

“Meni iliq kutib olishdi. Hammasi yaxshi ketyapti – meni mehr bilan kutib olishdi, xuddi ikkinchi oiladek. Ular men uchun hamma narsani iloji boricha sodda qilishga harakat qilishdi. Jamoadoshlar va murabbiylar shtabi bilan muloqot yaxshi ketmoqda.

"Barselona"ning o'yin uslubi meni hayratga soldi, demagan bo'lardim. Bu ajoyib jamoa ekanligini tashqaridan ko'rib ham tushunasiz. "Barselona"ning o'ziga xosligi bor, u o'zgarmas va har doim bir xil bo'lib qoladi. Siz to'pga ega bo'lishingiz va u bilan texnik bo'lishingiz kerak. "Barsa"da yig'ilgan barcha futbolchilar yaxshi.

"Barselona" g'alaba qozonish uchun qurilgan jamoa. U sizga qo'ng'iroq qilganda va o'z safiga taklif qilganida siz ikkilanmaysiz. Men uchun bu dunyoning eng yaxshi klubi. Jamoada yangi kelganlar ko'p va biz "Barselona"ni yaxshilash uchun qo'limizdan kelganini qilamiz", - dedi yarim himoyachi klub televideniesiga bergan intervyusida.