"Chelsi" "Barselona"dan qattiq ranjidi

Londonning "Chelsi" klubi Markos Alonso va Sezar Aspilikuetaning "Barselona"ga o'tishiga to'sqinlik qilmoqchi, deya xabar bermoqda AS nashri.

Manbaning xabariga ko'ra, "aristokratlar" "Lids" bilan Rafinyani qo'lga kiritish borasida kelishuvga erishgan, ammo "Barselona" so'nggi daqiqada transferga aralashgan va futbolchi shu zahoti fikrini o'zgartirib, kataloniyaliklar safiga o'tgan. Xuddi shunga o'xshash vaziyat Jyul Kunde bilan ham sodir bo'ldi. "Ko'klar" Usmon Dembele bilan bog'liq vaziyat bilan qiziqdi, ammo yakunda Sterlingni olishga qaror qildi va frantsiyalik futbolchi "Barselona" bilan shartnomasini uzaytirdi. Bu holatlarning barchasi "Chelsi" direktorlar kengashini "Barselona"ga ikki himoyachini yubormaslikka majbur qiladi.

Aspilikueta va Alonso "Barselona"ning transfer maqsadlari. “Ko'k-anorranglilar” futbolchilarning shartnoma shartlaridan kelib chiqib, ikki futbolchini arzonlashtirilgan narxda sotib olmoqchi edi. Ikkalasining ham “Chelsi” bilan shartnomasi 2023 yilning yozida yakuniga etadi.