"Barselona" 21 yoshli meksikalik darvozabonni o'z safiga chorlamoqda

"Barselona" "Real Solt-Leyk" darvozaboni Devid Ochoani o'z safiga qo'shib olmoqchi, deb yozdi jurnalist Tom Bogert tvitterda.

21 yoshli meksikalik futbolchining klub bilan shartnomasi yil oxirida tugaydi. Avvalroq, darvozabonga "Amerika", “Monako” va “Manchester Yunayted” klublari qiziqayotgan edi.

Darvozabon joriy mavsumda "Real Solt Leyk" yoshlar jamoasida MLS Next Proda ikkita o'yinda maydonga tushdi va to'rtta gol o'tkazib yubordi.

Ochoa AQSh va Meksikaning yoshlar va yoshlar terma jamoalarida o'ynagan. Bu yil u Meksikaning asosiy terma jamoasiga chaqirildi, biroq hali rasmiy o'yinda debyut o'tkazmadi.