Morentes: "Ronalduni "Atletiko" libosida ko'rish g'alati tuyuladi"

"Real"ning sobiq hujumchisi va La Liga elchisi Fernando Morentes "Manchester Yunayted" hujumchisi Krishtianu Ronalduning "Atletiko Madrid"ga o'tishi mumkinligi haqida o'z fikri bilan o'rtoqlashdi. Uning fikricha, 37 yoshli portugaliyalikni Madrid klubida ko'rish g'alati bo'ladi.

"Menga bu juda g'alati tuyuladi, lekin hamma narsa bo'lishi mumkin", - dedi Morentes. "Men Krishtianuning yana La Ligada o'ynashini juda xohlardim."

Uning fikricha, La Ligani tark etgan har qanday futbolchi oxir-oqibat qaytishni istaydi.

"Ronalduni "Atletiko" libosida ko'rish menga g'alati tuyuladi, ammo hozir men La Ligadaman va agar u kelsa, uni kutib olishadi", - dedi u.

O'tgan mavsumda Ronaldu “Manchester Yunayted” safida barcha musobaqalarda 39 ta o'yinda maydonga tushib, 24 ta gol urdi va 3 ta golga assistentlik qildi. Hujumchining klub bilan shartnomasi 2023 yilning 30 iyuniga qadar mo'ljallangan.