Lo Chelso uchun kurashda "Milan"ga raqobatchilar paydo bo'ldi

"Tottenxem" yarim himoyachisi Jovanni Lo Chelso "Milan"ning nishoniga tushdi.

Yarim himoyachi o'tgan mavsumda "Vilyarreal"da ijara asosida o'ynadi. Argentinalik futbolchi klubga Chempionlar ligasining yarim finaliga chiqishga yordam berdi.

Shundan so'ng u Londonga qaytdi, biroq “Tottenxem” bosh murabbiyi Antonio Konte futbolchini yangi mavsum uchun tarkibda ko'rmaganini ochiq aytdi.

Endi "Milan" futbolchiga e'tibor qaratdi, deb xabar beradi Planeta Milan. Bundan tashqari, futbolchiga “Napoli”, “Fiorentina” va “Vilyarreal” klublari qiziqish bildirmoqda.

O'tgan mavsumda futbolchi La Ligada 16 ta o'yinda maydonga tushib, 1 ta gol urdi va 1 ta golli uzatmani amalga oshirdi.