"RB Leyptsig" sobiq hujumchisini ortga qaytarmoqchi

"RB Leyptsig" "Chelsi"dan Timo Vernerni jamoaga olib kelishga tayyor.

Nemis klubi 26 yoshli hujumchining transferi ustida ish boshlagan, biroq "ko'klar" bosh murabbiyi Tomas Tuxel bunga qarshi, deya xabar beradi Kicker.

Avvalroq Tuxel hujumchini yoqtirmasligi, ularning munosabatlari keskinlashgani xabar qilingandi.

Vernerning o'zi "Leyptsig"ga qaytishni xohlaydi. Lekin buning uchun klub bir nechta futbolchini sotishi kerak.

Verner o'tgan mavsumda Premer-ligada 21 ta o'yinda maydonga tushib, 4 ta gol urgan.