"Manchester Yunayted"ning barcha urinishlari besamar ketdi

"Ayaks" jamoa vingeri Antonini "Manchester Yunayted"ga sotmaydi.

De Telegraaf xabariga ko'ra, "Ayaks" joriy transfer oynasida 22 yoshli futbolchi bilan xayrlashmoqchi emas.

Bundan tashqari, niderlandlar muzokaralarda moliyaviy talablarni 80 dan 100 million evroga ko'tardi.

Jurnalist Jak Talbotning yozishicha, Antonining o'zi ham "Manchester Yunayted"ga o'tishni xohlaydi, ammo transfer baribir amalga oshmaydi.

O'tgan mavsumda braziliyalik futbolchi barcha musobaqalarda 33 ta o'yinda maydonga tushib, 12 ta gol urdi va 10 ta golli uzatmani amalga oshirdi.