Pyanich: "Xavi futbolchisilik faoliyatida menga namuna bo'lgan"

Bosniya va Gertsegovina terma jamoasi va “Barselona” klubi yarim himoyachisi Miralem Pyanich jamoa bosh murabbiyi Xavi haqida fikr bildirdi.

"Xavi futbolchilik faoliyatida menga namuna bo'lgan. Men hayrat bilan unga ergashdim. Menimcha, u barcha davrlarning eng yaxshi yarim himoyachilaridan biri bo'lgan. U bilan ishlash alohida narsa. Bizni yaxshi mavsum kutmoqda", - dedi Pyanich Fanatik nashri bilan suhbatda.

Eslatib o'tamiz, Pyanich o'tgan mavsumni ijara asosida Istanbulning "Beshiktosh" klubida o'tkazgan edi. Miralem turk jamoasi safida 26 ta o'yinda maydonga tushib, 4 ta golli uzatmani amalga oshirdi.

Pyanich 2020 yil sentyabr oyida Turinning “Yuventus” klubidan “Barselona”ga 60 million evro evaziga o'tgan edi. Miralem Kataloniya klubi safida 30ta o'yin o'tkazgan.