Milinkovich-Savich "Arsenal" va "Nyukasl"ga o'tishdan bosh tortdi

"Latsio" yarim himoyachisi Sergey Milikovich-Savich "Arsenal" va "Nyukasl"ga o'tishdan bosh tortdi. Futbolchini har ikki klub taklifi ham qoniqtirmadi.

Avvalroq, ingliz klublari yarim himoyachi uchun taxminan 55 million evro taklif qilgani haqida ma'lumotlar paydo bo'lgandi. Rimliklar rahbariyati 70 millionlik taklifga rozi bo'lishi mumkin.

Milinkovich-Savich o'tgan mavsumda "Latsio" safida 47 ta o'yinda maydonga tushib, 11 ta gol urdi va 12 ta golga assistentlik qildi.

27 yoshli serbning “Latsio” bilan shartnomasi 2024 yilning yozida yakuniga etadi.