"Atletiko" prezidenti Ronalduga qiziqish haqidagi ma'lumotni rad etdi: "Bu haqiqat emas"

"Atletiko" prezidenti Enrike Serezo "Manchester Yunayted" hujumchisi Krishtianu Ronalduga bo'lgan qiziqish haqidagi ma'lumotga izoh berdi. Unga ko'ra, 37 yoshli portugaliyalikning Madrid klubiga transferi bo'lishi mumkin emas.

"Ronaldu va "Atletiko" haqidagi bu hikoyani kim o'ylab topganini bilmayman", - deya Serezodan iqtibos keltiradi Partidazocope. “Bu, albatta, to'g'ri emas. Ronalduning "Atletiko"ga o'tishi deyarli mumkin emas.

Oldinroq, Ronalduning agenti hujumchining "Atletiko Madrid"ga o'tishini talab qilayotgani xabar qilingandi.

O'tgan mavsumda Ronaldu mankunianliklar safida barcha musobaqalarda 39 ta o'yinda maydonga tushib, 24 ta gol urdi va 3 ta golli uzatmani amalga oshirdi. Hujumchining klub bilan shartnomasi 2023 yilning 30 iyuniga qadar amal qiladi.