Shahboz Umarov nima uchun «Ordabasi»ni tanlaganini aytdi

«Ordabasi» klubi yarim himoyachisi Shahboz Umarov qanday qilib Qozog'iston klubiga o'tgani borasida so'zlab berdi.

— Ijara asosida «Ordabasi» klubiga varianti qanday paydo bo'ldi? Boshqa chempionatlardan ham takliflar bormidi?
— Belarus, Rossiya klublaridan takliflar bor edi. Ammo men uchun hurmatli bo'lgan Ulug'bek Asanboev bilan gaplashganimdan keyin «Ordabasi»ga o'tishga qaror qildim. Bu klubga sovrin yutishida yordam berishni istadim.

— Belarusda qaysi klublar sizga qiziqish bildirishdi?
— Chempionatning eng yaxshi jamoalari.

— Yangi jamoada sizni qanday qabul qilishdi?
— Ilk kundanoq bu erda o'zimni yaxshi his qilyapman.

— Nima uchun 49-raqamni tanladingiz?
— Mendan qaysi raqamni tanlashimni so'rashdi. Men esa raqam muhim emasligini, asosiysi o'yin ekanini aytdim. Keyingi kun kiyinish xonasiga kirganimda ushbu raqamdagi futbolkani ko'rdim.

— Siz Qozog'iton kubogi doirasida ikkita o'yinda ishtirok etdigingiz. Qozog'iston va Belarus chempionatlarini taqqoslay olasizmi?
— Qandaydir xulosalar qilish uchun hali juda ham kam vaqt o'tdi. Shaxsan o'zim endi jismoniy holatimni taklab boryapman va zaxiradan maydonga tushyapman. Ko'proq o'yin amaliyotiga ega bo'lganimdan keyin bu savolga javob berishim mumkin. Ko'rganlarimdan aytishim mumkinki, bu erda tezkor futbol o'ynaladi, shuningdek, yaxshi jamoalarda o'ynagan legionerlar bor.

— Shunga qaramay, 2ta golga assistentlik qildingiz. Mavsumga qanday shaxsiy va jamoaviy vazifalar qo'yyapsiz?
— Qancha gol urish yoki golli uzatma berish borasida menda aniq raqam yo'q. Maqsad bitta — mavsum yakunida imkon qadar yuqorida bo'lish uchun jamoaga yordam berish.

— Ijara yakunlanganidan keyin BATEga qaytasizmi?
— Hozircha bu haqda o'ylamayapman. Bor e'tiborimni «Ordabasi»ga qaratganman. BATE bilan bir yarim yillik shartnomam bor. Ijara yakunlanganidan keyin esa klubga qaytishim zarur.