Azar APLda qaysi himoyachiga qarshi o'ynash qiyin ekanligini ochiqladi

"Real" hujumchisi Eden Azar Angliya Premer-ligasida qaysi futbolchiga qarshi o'ynash unga eng qiyin bo'lgan degan savolga javob berdi.

“Men uchun eng qiyini Kayl Uokerga qarshi o'ynash edi. U mendan kuchliroq va tezroq edi. Uni mag'lub etish qiyin edi", - dedi Azar ESPN GB bilan suhbatda.

Azar 2012 yildan 2019 yilgacha "Chelsi"da o'ynagan. London klubi safida u barcha musobaqalarda 352 ta o'yin o'tkazib, 110 ta gol urgan va 92 ta golli uzatmani amalga oshirgan. "Chelsi" tarkibida forvard ikki marta Angliya chempioni bo'ldi, Angliya kubogi va Liga kubogini qo'lga kiritdi, ikki marta Evropa ligasi g'olibiga aylandi. 2014/15 yilgi mavsumda Azar Premer-ligada mavsumning eng yaxshi futbolchisiga aylandi.

Azar 2019 yilda 115 million evro evaziga "Real"ga o'tgan edi.