Galte: "Samolyotda 12 soat uxlaymiz, uyg'onganimizda, tarkibimizni 4 nafar futbolchi bilan to'ldirishimiz mumkin"

"PSJ" bosh murabbiyi Kristof Galte keyingi kun ichida uning jamoasi 4 nafar yangi futbolchi bilan shartnoma imzolashi mumkinligini aytdi.

Eslatib o'tamiz, ayni damda frantsuz klubi Nordi Mukiele va Renatu Sanshesh bilan shartnomalar ustida ishlamoqda. Jamoa avvalroq “Reyms”dan Ugo Ekitike bilan shartnoma imzolagandi.

“Klub tarkibni kuchaytirish ustida ishlamoqda. Samolyotga chiqamiz, 12 soat uchamiz, uxlaymiz va uyg'onganimizdan so'ng tarkibimizni birdaniga to'rt nafargacha to'ldirish mumkin”, - dedi Galte matbuot anjumanida.

Yakshanba kuni “PSJ” Frantsiya Superkubogi uchun “Nant”ga qarshi maydonga tushadi.