"PSJ" Frantsiya terma jamoasi himoyachisi bilan shartnoma imzoladi

Frantsiya terma jamoasi himoyachisi va “RB Leyptsig” klubi himoyachisi Nordi Mukielening “PSJ” klubiga transferi yakunlandi. Bu haqda ijtimoiy tarmoqlarda nufuzli insayder Fabritsio Romano ma'lum qildi.

Jurnalistning so'zlariga ko'ra, barcha kerakli hujjatlar klublar tomonidan imzolangan. Tez orada transfer haqida rasman e'lon qilinishi kutilmoqda.

Mukiele 2018 yildan beri Germaniya Bundesligasida o'ynab kelmoqda. 24 yoshli himoyachi “RB Leyptsig” safida 145 o'yin o'tkazib, 10 gol va 11 golga assistentlik qilgan.

Nordining transfer narxi 20 million evroga baholanmoqda.