Frantsiyalik hujumchi APLga ko'chib o'tdi

"Sautgempton" "Bordo" hujumchisi Seku Maraning transferi yakunlanganini e'lon qildi.

Ingliz klubi 19 yoshli frantsuz bilan 4 yillik shartnoma imzoladi.

Klub o'tgan haftada "Bordo" bilan printsipial kelishuvni e'lon qilgandi, endi tomonlar nihoyat barcha tafsilotlarni hal qilishdi va barcha hujjatlarni imzolashdi. Transfermarkt.com portali transfer summasini 13 million evroga baholamoqda.

O'tgan mavsumda Mara jamoa safida barcha musobaqalarda 36 ta o'yinda maydonga tushib, 7 ta gol urdi va 4 ta golli uzatmani amalga oshirdi.