Bugun Turin klubi yangi himoyachi transferini e'lon qiladi

Himoyachi Jeyson Denayer faoliyatini Italiyada davom ettirishi mumkin, deya xabar beradi jurnalist Janluka Di Martsio.

Manbaga ko'ra, 27 yoshli belgiyalik futbolchi "Torino"ga o'tishga yaqin turibdi. Qayd etilishicha, bugun, 26 iyul kuni futbolchi Turin klubi bilan shartnoma imzolashi mumkin.

Denayer o'tgan mavsumda "Lion"da o'ynagandi. Himoyachi barcha musobaqalarda 20 ta o'yinda maydonga tushib, 3 ta gol urdi va golli uzatmani amalga oshirdi. Transfermarkt portali futbolchining narxini 14 million evroga baholamoqda.