Mukiele "PSJ" uchun tibbiy ko'rikdan o'tdi

"Leyptsig" himoyachisi Nordi Mukiele tibbiy ko'rikdan o'tish va "PSJ" bilan shartnoma imzolash uchun Parijga uchib ketdi. Fabritsio Romanoning tvitterda yozishicha, 24 yoshli frantsiyalik futbolchi allaqachon birinchi sinovlardan o'tgan, davomi 26 iyul, seshanba kuni bo'ladi.

Avvalroq, Mukielega "Chelsi" ham qiziqish bildirgani, "PSJ" Frantsiya terma jamoasi futbolchisi uchun kurashda g'alaba qozongani ma'lum bo'lgandi.

O'tgan mavsumda frantsiyalik himoyachi 37 o'yinda 2 ta gol urdi va 5 ta golli uzatmani amalga oshirdi.