"Lids" Fosterni o'z safiga qo'shib olishga harakat qiladi

"Lids" darvozabonlar safini faxriy posbon Ben Foster bilan kuchaytirish niyatida.

39 yoshli futbolchi erkin agent hisoblanadi. U o'tgan mavsumni "Uotford"da o'tkazdi, ammo klubga Premer-ligada jon saqlab qolishga yordam bera olmadi.

Daily Mail xabariga ko'ra, "Lids" 21 yoshgacha bo'lgan Frantsiya terma jamoasi darvozaboni Ilan Melening o'rniga Fosterdan tajribali o'rinbosar topishga umid qilmoqda.

Ta'kidlanishicha, shartnoma bir yilga imzolanadi. Fosterning o'zi yaqinda "Lids" bosh murabbiyi Jessi Marshning Premer-ligadagi ishidan zavqlanishini aytdi va klub kelasi mavsumda Premer-ligada qolishi mumkinligiga ishonch bildirdi.