"Barsa" Alonsoga muqobil variant topdi

"Barselona" Markos Alonsoga muqobil variant haqida qaror qabul qildi.

Avvalroq, kataloniyaliklar Jyul Kunde bilan shartnoma imzolagani uchun "Chelsi" Alonso va Aspilikuetani "Barselona"ga transferiga taqiq qo'ygandi.

"Barsa" "Selta" himoyachisi Xavi Galanga qiziqish bildirmoqda, deb xabar beradi Mundo Deportivo. "Blaugrana" bosh murabbiyi Xaviga bu futbolchi yoqadi.

"Selta" Galanni sotmoqchi emas va agar xaridorlar shartnomada ko'rsatilgan 18 million evro to'lashsa, uni qo'yib yuboradi. "Barsa" "Selta"ning talablaridan xabardor, lekin baribir narxni tushirishga harakat qiladi.

27 yoshli futbolchi La Liganing o'tgan mavsumida 37 ta o'yinda 3 ta golga assistentlik qildi va 9 ta sariq kartochka oldi.