"Barselona" Kunde liboslari uchun buyurtma qabul qiladi!

"Barselona" o'zining rasmiy do'kon saytida himoyachi Jyul Kunde uchun forma buyurtma qilish imkoniyatini qo'shdi. Keyinchalik tezkorlik bilan bu texnik xato bartaraf etildi, deya xabar beradi Befoot.

Kataloniyaliklar 24 yoshli frantsiyalik futbolchini "Sevilya"dan transfer qilishga yaqin turibdi. Muzokaralar bir necha hafta davom etmoqda. Dastlabki ma'lumotlarga ko'ra, transfer summasi 50 million evroni tashkil qiladi, yana 10 millioni bonus sifatida taqdim etiladi.

Avvalroq frantsiyalik futbolchi "Chelsi"ga o'tishdan bosh tortgani ma'lum bo'lgandi.

O'tgan mavsumda Kunde "Sevilya" safida barcha musobaqalarda 44 o'yinda 3 ta gol urdi va 1 ta golli uzatmani amalga oshirdi.