"Monako" himoyachisi bilan yangi shartnoma imzoladi

"Monako" himoyachi Ruben Agilar bilan shartnomani uzaytirdi. Klub sayti xabariga ko'ra, yangi shartnoma 2025 yilgacha mo'ljallangan.

29 yoshli frantsiyalik futbolchi “Monako”da 2019 yildan buyon o'ynab kelmoqda. U "Monpele"dan 8 million evro evaziga xarid qilingan.

U shuningdek, Liga 1da "Oser" va "Grenobl" jamoalarida o'ynagan. Umuman olganda, Frantsiya chempionati oliy divizionida Agilar 139 ta o'yin o'tkazib, 2 ta gol va 14 ta golli uzatmani amalga oshirgan.