Murodjon Ahmadaliev 26 iyun tongida professional boksdagi navbatdagi jangini o'tkazadi
/ Kiritdi: BestMaster Ko'rilgan: 69
Professional boks bo'yicha ikkinchi yarim engil vazn (-55,34 kg) toifasida WBA va IBF kamarlari sohibi Murodjon Ahmadaliev (10-0, 7 KO) 26 iyun tongida AQShda navbatdagi jangini o'tkazadi.
Matchroom tomonidan o'tkazilayotgan musobaqada o'zbekistonlik bokschiga amerikalik Ronni Rios (33-3-0, 16 KO) raqiblik qiladi. Jang taxminan 26 iyun tongi soat 05:00 dan keyin boshlanadi.
Bahs oldidan sportchilar tarozidan o'tdi. Unda Ahmadaliev 54,97 kg qayd etgan bo'lsa, Rios 55,29 kg tosh bosgan.
Eslatib o'tamiz, Murodjon so'nggi jangini 2021 yilning 19 noyabrida Xose Velaskesga qarshi o'tkazib, ochkolar evaziga g'alaba qozongandi.
Ronni Rios esa 2021 yil fevral oyida amerikalik Oskar Negreteni mag'lub etgan.
Bosh sahifaga
287