London klubi tarkibni chililik hujumchi bilan kuchaytirmoqchi

Britaniya OAV "Blekbern" hujumchisiga "Vest Xem" qiziqish bildirayotgani haqida xabarlar tarqatmoqda.

Gap 23 yoshli Brereton Dias haqida ketmoqda. Futbolchi yaqin kunlarda jamoaga taklif qilinadi.

Londonliklar futbolchini Armando Broyaga muqobil sifatida ko'rmoqda. Avvalroq "bolg'achilar" albaniyalikni ijaraga olmoqchi edi, ammo "Chelsi" futbolchini qo'yib yuborish niyatida emas.

Diasning "Blekbern" bilan shartnomasi 2023 yilning yoziga qadar tuzilgan. Futbolchining transferi 16 million evroga baholanmoqda.

Dias bu mavsumda 30 ta o'yinda 20 ta gol urishga erishgan.